مشكلة الفيروسات
==========
المشكلة تنشأ من انتشار الجهاز بالعديد من الفيروسات و التي تسبب العديد من المشاكل مثل اختفاء " التاسك مانجر - Task Manager " و الفولدر اوبشن - Folder option " و خاصة في حالة عدم وجود انتي فيرس بالجهاز
الحــل
------
اول حاجة نعملها اننا نسطب انتي فيرس و نعمل ليه ابديت و بعدين نعمل اسكان على الهارد كله
لكن لو الفيرس كان قوي و منتشر لدرجة تمنع من اننا نسطب الانتي فيرس او نعمل بيه اسكان .. في الحالة دي هنزل ويندوز جديد و اول ما يخلص تسطيب الويندوز اول حاجة نعملها اننا نسطب انتي فيرس و تعمل ليه ابديت قبل اي حاجة و بعد كده نعمل اسكان على الهارد كله و بعد كده تسطب باقي البرامج و التعريفات
و لو الفيرس انتشر بسرعة و خلي الويندوز الجديد يتفيرس قبل ما نعمل كده هيبقي في حلين
1- نعمل اسكان على الهارد علي اي جهاز تاني غير جهازك بس يكون الانتي فيرس عليه معمول ليه اب ديت
2. هنفرمط الهارد كله و نقسمه من جديد و لو عندنا اي حاجات مهمة على الهارد هتنقلها علي اي هارد تاني قبل ما نفرمطه و لما ننزل ويندوز جديد على الهارد بعد التقسيم لازم يبقي عليه انتي فيرس و معمول ليه ابديت بردو .. و بعدين لازم نعمل اسكان على الحاجات اللي كنا نقلانها في مكان تاني قبل ما نرجعها على الهارد مرة تانية
و في جميع الحالات بعد ما المشكلة تتحل لازم يبقي موجود انتي فيرس على الجهاز و معمول ليه ابديت اول باول